Azərbaycan, Bakı, 11 iyun / Trend , müxbir N.İsmayılova /
Ötən il McDonald`s Azerbaijan şirkəti 4,3 milyon dollar məbləğində vergi verib. Bu barədə cümə axşamı McDonald`s Azerbaijan şirkətinin icraçı direktoru Maqsud Mirzəyev bildirib.
"Cari ilin beş ayı ərzində 2,02 milyon dollar məbləğində vergi vermişik", - deyə Mirzəyev bildirib. Onun sözlərinə əsasən, ötən il şirkətin Azərbaycanda dövriyyəsi səkkiz faizdən çox artıb. Hazırda şirkətdə 520 nəfər çalışır, onların 80 nəfəri menecerdir.
McDonald`s Azerbaijan fəaliyyətinə 1999-cu ildə başlayıb, hazırda şirkətin Bakı şəhərində beş restoranı mövcuddur.
Məqalə müəllifi ilə əlaqə ünvanı: [email protected]