Azərbaycan, Bakı, 03 iyul / Trend , müxbir N.İsmayılova /
"Türkiyə kapitalı Azərbaycanın bütün sahələrində mövcuddur, istərdik ki, Azərbaycanın Türkiyədəki investisiyasının həcmi daha da artsın", - bu barədə cümə günü Türkiyənin Azərbaycandakı səfiri Hulusi Kılıç "YAPI KREDİ" və Qiymətli Kağızlar üzrə Dövlət Komitəsi tərəfindən təşkil edilən "Azərbaycanda korporativ istiqraz bazarının inkişafı" mövzusunda keçirilən konfrans çərçivəsində bildirib.
"Türkiyə son illər Azərbaycan iqtisadiyyatına üç milyard dollar vəsait yatırıb", - deyə səfir bildirib.
Onun sözlərinə əsasən, Türkiyə şirkətləri Azərbaycanın enerji sektorundakı investorlar arsında birinci yeri tutur. Eyni zamanda Türkiyədə 50 min azərbaycanlı sahibkar çalışır.
Türkiyə və Azərbaycan arasında əmtəə mübadiləsi 2008-ci ildə 2,6 milyard dollar təşkil edib.
Məqalə müəllifi ilə əlaqə ünvanı: [email protected]
