Gürcüstan, Tbilisi, 27 iyul / Trend , müxbir N.Kirsxaliya /
Kiçik və orta biznesi təşviq etmək məqsədi ilə Avropa Yenidənqurma və İnkişaf Bankı (AYİB) Gürcüstan Bankına 20 milyon dollar ayırıb. Bu barədə bazar ertəsi mətbuat konfransında bankın Baş direktoru İrakli Qilauri və Avrobankın Qafqaz, Moldova və Belarusdakı direktoru Pol-Anri Forester bildirib.
Qilaurinin sözlərinə görə, AYİB-in ayırdığı vəsaitlər korporativ müştərilər üçün nəzərdə tutulub və onlar əsasən kiçik və orta biznesin kreditləşdirilməsi üçün nəzərdə tutulub. Onun sözlərinə görə, Avropa bankının krediti səkkiz il müddətinə verilib və o, Gürcüstan Bankına bir müddət əvvəl təqdim olunmuş beş milyon dollarlıq maliyyə yardımının davamıdır.
"Bu vəsaitlər şirkətlərə öz biznesini genişləndirmək və kapital sərmayələrini fəallaşdırmaq imkanı verəcək. AYİB-in yardımı Gürcüstanın kommersiya banklarına yüksək inam səviyyəsinin daha bir sübutudur", - Qilauri deyib.
Foresterin sözlərinə görə, orta biznesin kreditləşdirilməsi qərarı düzgündür, çünki orta biznes Gürcüstanda ən həyatqabiliyyətli biznesdir.
"Gürcüstan Bankı aparıcı bankdır və bu çətin dövrdə ona hər şeydən çox kömək lazımdır. Bu kredit AYİB və Gürcüstan Bankını birləşdirən məhsuldar əməkdaşlığın bir hissəsidir", - Forester bildirib.
Məqalə müəllifi ilə əlaqə ünvanı: [email protected]