Azərbaycan, Bakı, 08 avqust / Trend , müxbir N.İsmayılova /
Azərbaycan Respublikasının Dövlət Şəhərsalma və Arxitektura Komitəsi avqustun 1-dən etibarən 12 hüquqi şəxsin lisenziyasının fəaliyyətini lisenziyalaşdırma tələblərinə və şərtlərinə cavab verməməsi səbəbindən dayandırıb, bu barədə Dövlət Komitəsinin məlumatında deyilir.
Məlumatda deyildiyi kimi, aşağıdakı hüquqi şəxslər lisenziyadan məhrum edilib: Ata inshaat, Ziyaddinoglu , Inkishaf-L&V Inshaat , YL Inshaat LTD, Erenport Inshaat Sanayi ve Ticaret Anonim Shirketi, Shinkar tikinti şirkəti, Fusal-F, AZTEG, Studiya Inter Dizayn, Shirvan-S, Stil Muhandislik, Azeri.
Azərbaycanda fəaliyyətin bəzi növlərinə xüsusi icazə verilməsi qaydalarına əsasən, Dövlət Komitəsi vaxtaşırı İqtisadi İnkişaf Nazirliyinin nümayəndələri ilə birgə fiziki və hüquqi şəxslərin fəaliyyətinin lisenziya şərtlərinə və tələblərinə uyğunluğuna nəzarət məqsədilə yoxlamalar həyata keçirir.
Məqalə müəllifi ilə əlaqə ünvanı: [email protected]
