Azərbaycan, Bakı, 10 avqust / Trend , müxbir N.İsmayılova /
Azərbaycan bankı Azərnəqliyyat Bank 2010-cu ildə beynəlxalq maliyyə institutlarından kredit xətlərinin cəlb olunması ilə bağlı fəal danışıqlara başlayacaq. Bu barədə bazar ertəsi bankın İdarə Heyətinin sədri Emin Məmmədov bildirib.
"Hazırda bank texniki yardımın cəlb olunması üçün danışıqlar aparır, beynəlxalq maliyyə institutlarından kreditlərin cəlb olunması üzrə fəal işlərə başlanılması növbəti ildə planlaşdırılır", - Məmmədov qeyd edib.
Son 10 ay ərzində Azərnəqliyyat Bank-da bir sıra dəyişiklillər baş verib. 2008-ci ilin oktyabr ayında bankın səhmlərinin majoritar paketi yeni təsisçilər tərəfindən alınıb, bunun da nəticəsində təşkilatın bütün rəhbər heyəti praktiki olaraq dəyişdirilib.
Azərnəqliyyat Bank 1989-cu ildə ticarət bankı kimi təsis edilib. 2005-ci ildə statusu açıq səhmdar cəmiyyətə dəyişdirilib. Hazırda Bakıda və ölkə regionlarında bankın səkkiz filialı fəaliyyət göstərir.
Azərnəqliyya Bank-ın aktivləri iyulun 1-də 69,72 milyon manat təşkil edib. Müştərək kapital 12,72 milyon manat, nizamnamə kapitalı isə 10,78 milyon manat təşkil edib. Bankın xalis gəliri iyulun 1-də 1,07 milyon manat təşkil edib.
Avqustun 10-na olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
