Azərbaycan, Bakı, 10 avqust / Trend , müxbir N.İsmayılova /
Latviya bankı Parex Bank Azərbaycanda əməliyyat fəaliyyətinə başlanılması və bununla əlaqədar bankın açılması planlarından imtina edib. Bu barədə bazar ertsəsi Bakıda Parex Bank-ın kapitalın idarəsi direksiyasının rəhbəri və baş vitse-prezident Robert İdelson bildirib.
"Bu kimi planlar mövcud deyil, bizi hazırda real vəziyyət qane edir. Biz çoxdandır ki, bu bazardayıq və iştirakın bu forması öz səmərəliliyini göstərib, çünki yerli müştəriləri bizim işimiz tamamilə qane edir", - deyə İdelson bildirib.
Onun sözlərinə görə, bank Azərbaycanda fəaliyyətin başqa formasına keçməyə ehtiyac duymur.
Hazırda Parex Bank-ın nümayəndəliyi Zaqafqaziya ölkələrindən yalnız Azərbaycanda fəaliyyət göstərir. Bankın başçılığı ilə Parex Leasing lizinq şirkəti açılıb. Gürcüstanda hələ ki, lizinq şirkəti fəaliyyət göstərir. Bankın nümayəndəliyinin və ya Parex Asset Management-in açılması da istisna edilmir. MDB ölkələrindən Qazaxıstanda (Alma-Ata) da bankın nümayəndəliyi fəaliyyət göstərir.
Parex Bank-ın 14 ölkədə filialı, nümayəndəliyi və törəmə müəssisələri mövcuddur. Onlar arasında Hamburq və Münhendə müştəri xidmətləri mərkəzləri olan Berlin filialı, Malmödə müştəri xidmətləri mərkəzi olan Stokholm filialı, Narvada müştəri xidmətləri mərkəzinin Tallin filailı, İsveçrədə Anlage und Privatbank AG törəmə bankı və Litvada Parex Bankas yer alır.
Məqalə müəllifi ilə əlaqə ünvanı: [email protected]
