Azərbaycan, Bakı, 10 avqust / Trend , müxbir İ.Xəlilova /
Azərbaycan hökuməti "Gəlirlərə və əmlaka görə vergilərə münasibətdə ikiqat vergitutmanın aradan qaldırılması" haqqında Konvensiya ilə təsdiq olunmuş ölkələrin siyahısını 31-ə qədər genişləndirib. Bu barədə bazar ertəsi Vergilər Nazirliyindən bildirilib.
2008-ci il yanvarın 1-dən anoloji müqavilə İsveçrə və Birləşmiş Ərəb Əmirlikləri ilə münasibətdə qüvvəyə minmişdisə, 2009-cu ildən etibarən Tacikistan, Qətər, Bolqarıstan, Estoniya, Koreya və Macarıstan da bu siyahıya daxil olub.
"Bu sazişlərin təsdiq olunması Azərbaycanın digər ölkələrlə iqtisadi əlaqələrinin genişləndirilməsinə imkan verir, xüsusilə də investisiyanın artırılmasına kömək edir", - nazirlikdən deyilib.
Konvensiya beş ilə nəzərdə tutulub.
Məqalə müəllifi ilə əlaqə ünvanı: [email protected]
