Azərbaycan, Bakı, 11 avqust / Trend , müxbir N.İsmayılova /
"Azərbaycan bankı Texnika Bank cari ilin sonuna kimi Texnika Leasing şirkəti üçün istiqrazların buraxılmasını planlaşdırır. Texnika Leasing şirkətinin 100% təsisçisi bankdır", - bankın İdarə Heyətinin sədri Samir Hüseynov bildirib.
"Texnika Leasing-in üç milyondan beş milyon dollara kimi istiqrazlarının buraxılması planlarımıza daxildir", - deyə Hüseynov bildirib.
Onun sözlərinə əsasən, istiqrazların yerləşdirilməsindən cəlb olunan vəsait şirkətin məhsul xəttinin genişləndirilməsinə, xüsusilə lizinqin yeni növlərinə başlanılmasına yardım edəcək.
"Şirkətin lizinq portfeli artmaqda davam edir, əvvəllər onun əsas hissəsini tikinti sektoru təşkil edirdi, belə ki, buna daha böyük tələbat vardı", - deyə Hüseynov bildirib.
Hazırda Texnika Leasing-in lizinq portfeli 4,5 milyon manat təşkil edir. Şirkət üç il müddətinə illik 19-20 faizlə lizinq avadanlıqları təqdim edir. Avadanlıqların minimum məbləği 30 min manatdan artıq olmalıdır, ilkin ödəniş isə 30-35 faiz səviyyəsində müəyyən olunub.
Avqustun 11-nə olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
