Azərbaycan, Bakı, 12 avqust / Trend , müxbir İ.Xəlilova /
Qiymətli Kağızlar üzrə Dövlət Komitəsi "Başak İnam Sığorta Şirkəti"nin bir milyon manat məbləğində adi adlı sənədsiz səhmlərinin emissiya prospektini qeydiyyatdan keçirib. Bu barədə Bakı Fond Birjasının (BFB) çərşənbə günü yayılan məlumatında deyilib. Hər səhmin nominal dəyəri 200 manatdır.
Emissiya prospektinə əsasən, yerləşdirmə BFB-də açıq abunə üsulu ilə keçiriləcək. Səhmlərin yerləşdirilməsinin anderrayteri kimi "Chelsea Capital" MMC çıxış edəcək.
Başak İnam 1996-cı ildə kapitalda Türkiyənin Başak şirkətinin 49 faizlik iştirakı ilə yaradılıb. Başak İnam birgə sığorta şirkətidir. Şirkətin səhmdarlarına Fransanın Groupama investisiya şirkəti də daxildir. O, Türkiyənin Başak sığorta şirkətinin kapitalında 60 faizlik iştirakı alması ilə əlaqədar olaraq 2006-cı ildə şirkətin səhmdarı olub.
Avqustun 12-nə olan rəsmi məzənnə 0,8043 AZN/USD təşkil edir.
Məqalə müəllifi ilə əlaqə ünvanı: [email protected]
