Azərbaycan, Bakı, 17 avqust / Trend /
İlin birinci yarısında Azərbaycana 31713 ədəd avtomobil idxal edilib ki, bu da ötən ilin analoji dövründən 15,4 faiz azdır. Bu barədə Dövlət Statistika Komitəsindən bildirilib.
Dövlət Statistika Komitəsinin məlumatına əsasən, yanvar-iyun aylarında ölkəyə gətirilən minik avtomobillərinin ümumi məbləği 213,5 milyon dollar təşkil edib ki, bu da ötən ilin birinci yarısındakı göstəricidən 23,1 faiz azdır.
Azərbaycanda yanvar-iyunda 3668 ədəd yük avtomobili idxal edilib ki, bu da ötən ilin analoji dövründəki göstəricidən 29,7 faiz azdır. Gətirilən avtomobillərin ümumi məbləği 46 milyon dollar təşkil edir ki, bu da ötən ilin analoji dövründəki göstəricidən 57,5 faiz aşağıdır.
Yanvar-iyun aylarında respublikaya 493 avtobus idxal olunub. Bu, 2008-ci ilin birinci yarısının analoji dövründən 40,5 faiz azdır. İlin birinci yarısında 22,4 milyon dollar məbləğində avtobus idxal edilib ki, bu da ötən ilin yanvar-iyun ayındakı göstəricidən 11,5 faiz azdır.
