Azərbaycan, Bakı, 17 avqust / Trend , müxbir Ü.İsmayılova /
"Yanvar-iyul aylarında Azərbaycan tikinti şirkətlərinin işinin həcmi 1,679 milyard manat təşkil edib", - bazar ertəsi Dövlət Statistika Komitəsindən məlumat verilib.
Tikinti işlərinin ümumi həcmindən 1129,1 milyon manat (67,3 faiz) ilkin işlər, yenidənqurma və genişləndirmə; 349,1 milyon manat (20,8 faiz) əsaslı təmis işləri; 84,5 milyon manat (beş faiz) cari təmir işləri; 116,3 milyon manat (6,9 faiz) digər tikinti işlərinin payına düşüb.
Bu dövr ərzində işlərin 1218,1 milyon manatlıq hissəsi özəl, 460,9 milyon manatlıq hissəsi isə dövlət şirkətləri tərəfindən görülüb.
Komitənin məlumatına görə, ilin birinci yarısında tikinti sektorunun işçilərinin orta aylıq əməkhaqqı 444,4 manat, orta və böyük tikinti şirkətlərində isə orta hesabla 495,7 manat təşkil edib.
Avqustun 17-nə olan rəsmi məzənnə 0,804 AZN/USD təşkil edir.
Məqalə müəllifi ilə əlaqə ünvanı: [email protected]
