Azərbaycan, Bakı, 19 avqust / Trend , müxbir İ.Xəlilova /
Almaniyanın İnkişaf Bankı KfW ölkə kəndlərinin aqromaliyyələşdirilməsi layihəsi çərçivəsində Azərbaycan banklarının maliyyələşdirilməsini tezləşdirməyə hazırdır. Bir-iki ay ərzində Azərdəmiryolbank layihə üzrə üçüncü tərəfdaşa kredit xətti təqdim edilə bilər. Bu barədə çərşənbə axşamı KfW-nın Bakı ofisinin başçısı Natiq Abdullayev bildirib.
Azərbaycan kəndlərinin aqromaliyyələşdirilməsi layihəsi çərçivəsində KfW Bank Respublika, Azerdemiryolbank və qeyri-bank kredit təşkilatı CredAgro ilə əməkdaşlıq edir. Bankların kənd təsərrüfatı kreditləşdirməsində az təcrübəsi olması səbəbindən onlara texniki yardımın göstərilməsinə qərar verilib. İlin əvvəlində Bank Respublika ilə kredit sazişi imalanıb, sazişin Azerdemiryolbankla imzalanması hələ ki, qalır.
"Azerdemiryolbank-la bu proses yaxın bir neçə ay ərzində başa çatacaq və kredit xətti texniki yardımla paralel olacaq", - Abdullayev bildirib.
İki banka texniki yardım kənd təsərrüfatı kreditlərinin təqdim edilməsi üsullarının işlənməsi üzrə bir milyon avro həcmində nəzərdə tutulub.
KfW ilə kənd təsərrüfatı layihəsinin dəyəri altı milyon avro təşkil edir ki, ondan da Bank Respublika və CredAgro-nun hər biri üçün iki milyon ayrılıb. Azerdemiryolbank-la isə sazişin imzalanması hələ ki ləngiyir, belə ki, alman bankı onu əvvəlcədən bu prosesə hazırlamağı lazımı bilib.
İlk saziş ötən ildə CredAgro ilə imzalanıb.
Almaniya bank subordinasiya kreditləri qismində vəsait ayırır. Bu cür kreditlər ikinci səviyyəli kapitala yatırılır, lakin vəsait regionlarda kənd əhalisinin kreditləşməsi üçün nəzərdə tutulur.
Birinci mərhələ Şəki-Zaqatla və Qax kəndələrini əhatə edəcək.
Kreditlərin şərtləri Almaniya-Azərbaycan fondu vasitəsilə bankların maliyyələşdirilməsi şərtləri ilə oxşardır.
CredAgro 2000-ci ildə ACDI-VOCA beynəlxalq humanitar təşkilatı tərəfindən təsis edilib. Təşkilatın nizamnamə kapitalı beş min dollar, müştərək kapitalı isə yeddi milyon manat təşkil edir.
Hazırda CredAgro-nun fəaliyyəti regionlardakı layihələrin maliyyələşdirilməsinə yönəlib və 12 rayonu əhatə edir. Bununla əlaqədar olaraq doqquz nümayəndəliyini yaradıb və köməkçi ofislərə malikdir. Onun kreditləşdirmə sahələri müxtəlifdir, buna ipotekadan başqa kənd təsərrüfatından başlayaraq ticarət əməliyyatlarının, infrastruktura, lizinq, istehlak kreditləşməsinə kimi bütün istiqamətləri adi etmək olar.
"Azerdemiryolbank" ASC fəaliyyətə 1989-cu ildə başlayıb. Son 18 il ərzində bank daha da inkişaf edib və Azərbaycanın bank bazarında öz mövqeyini daha gücləndirib. Hazırda "Azerdemiryolbank" ASC ölkənin beş böyük banklıarı sırasına daxildir və paytaxt və regionlarda 20 şöbə və filallar var.
Bank Respublika öz fəlaiyyətinə 1992-ci ilin may ayında başlayıb. Bankın əsas prioritetlərindən biri fəaliyyət coğrafiyasını və müştəri xidmətləri şəbəkəsini genişləndirməkdir. Hazırda bankın 19 filialı və doqquz şöbəsi var.
Məqalə müəllifi ilə əlaqə ünvanı: [email protected]