Gürcüstan, Tbilisi, 21 avqust / Trend , müxbir N.Kirsxaliya /
Çexiyanın maliyyə naziri Eduard Yanotun avqustun 27-də Tbilisiyə səfəri zamanı Gürcüstan və Çexiya arasında investisiyanın qorunması ilə bağlı müqavilənin imzalanacağı gözlənilir. Bu barədə Gürcüstanın bu gündən etibarən istefaya göndərilmiş iqtisadiyyat naziri Laşa Jvaniya cümə günü keçirilmiş brifinqdə məlumat verib.
"Bu müqavilə artıq çoxdan hazırdır, Çexiyalı nazir bu sənədi imzalamaq üçün gəlir ki, bununla da Çexiya şirkətləri Gürcüstanda layihələrin həyata keçirilməsinə başlayacaqlar", - sabiq nazir deyib.
Çexiya Gürcüstanda 125 milyon dollar (100 yeni xəstəxana) və 133 milyon dollar (SES) həcmində olan iki böyük layihə həyata keçirməyi planlaşdırır. Quriya regionunda çex şirkəti olan "Energo-pro Georgia" tərəfindən iki su elelktrik stansiyası tikiləcək.
Məqalənin müəllifi ilə əlaqə ünvanı: [email protected]
