Gürcüstan, Tbilisi, 21 avqust / Trend , müxbir N.Kirsxaliya /
Gürcüstan beynəlxalq cəmiyyət tərəfindən verilən 4,5 milyard donor yardımın 3,7 milyard dollarını (82 faiz) mənimsəyib. Bu barədə cümə günü Gürcüstanın Baş naziri Nika Qilauri altı aylıq işlərin yekunlarını açıqlayarkən bildirib.
Donorlar ölkəyə Gürcüstan-Cənubi Osetiya münaqişəsi çərçivəsində avqust müharibəsindən sonra sosial və iqtisadi problemləri həll etmək üçün 4,5 milyard dollar ayırıb. Bu vəsaitin bir hissəsi ötən ilin avqust ayındakı münaqişədə zərərçəkənlər üçün nəzərdə tutulub.
"3,7 milyard dollar dəyərindəki layihələr ya həyata keçirilmə, ya da konkret plan üzrə realizasiya üçün imzalanma mərhələsindədir. Bu çox müsbət amildir, belə ki, bir çox dövlətlərə bu cür donor yardım göstərilib, lakin səmərəsiz olub", - Qilauri bildirib.
Məqalə müəllifi ilə əlaqə ünvanı: [email protected]