Azərbaycan, Bakı, 25 avqust / Trend , müxbir Ü.İsmayılova /
İyulda Bakının kommersiya obyektləri bazarında qiymətlər iyuna nisbətən 0,3 faiz enib. Qeyri-yaşayış obyektlərinin icarəsi isə 1,3 faiz ucuzlaşıb. Bu barədə çərşənbə axşamı "Əmlak Bazarı İştirakçıları" İctimai Birliyindən məlumat verilib.
Bakıda kommersiya obyektlərinin kvadratmetrinin orta qiyməti ötən ay iyundakı 3,011 min dollardan 3,019 min dollaradək azalıb. Birliyin keçirdiyi monitorinqlərin yekununa əsasən, əvvəlki rübə nisbətən qiymətlər 2,9 faiz, ötən ilin analoji dövrünə nisbətən isə 16,8 faiz ucuzlaşıb.
Ötən ay Qaradağdan başqa, Bakının demək olar ki, bütün rayonlarında qiymətlər azalıb. Qaradağda isə iki faiz artıb. Əzizbəyovda 0,6 faiz, Nəsimidə 0,6 faiz, Nərimanov rayonunda isə 0,5 faizlik artım müşahidə olunub. Ən nəzərəçarpacaq qiymət ucuzlaşması Bakının Binəqədi rayonunda qeydə alınıb - 8,5 faiz.
Ötən ay kommersiya obyektləri bazarında təkliflər 1,7 faiz artıb. Qeyri-yaşayış obyektlərinin ekspozisiya müddəti 2,9 faiz artıb. Bu da müvafiq olaraq risk dərəcəsinin artmasına gətirib çıxarıb.
Məqalə müəllifi ilə əlaqə ünvanı: [email protected]
