Azərbaycan, Bakı, 07 sentyabr / Trend , müxbir Ü.İsmayılova /
Azərbaycan Gigiyena və Epidemiologiya Mərkəzi "Genetik modifikasiya edilmiş orqanizmlər (GMO) haqqında" qanun layihəsi hazırlayıb. Bu barədə bazar ertəsi mərkəzin şöbə müdiri İmran Abdullayev deyib.
Onun sözlərinə görə, qanun layihəsi GMO-nun istifadə və işlədilmə normalarını müəyyən edir.
"Qanun layihəsinə uyğun olaraq GMO-nun istifadəsi və işlədilməsi hər bir kəsin fərdi arzusundan asılı olacaq, bu sahədə heç bir öhdəçilik və qadağalar olmayacaq", - Abdullayev deyib.
Genetik modifikasiya edilmiş orqanizmlər genotipi gen mühəndisliyinin köməyi ilə süni şəkildə dəyişdirilmiş canlı orqanizmlərdir. Bu dəyişikliklər əsasən elmi və ya təsərrüfat məqsədi ilə aparılır. Genetik modifikasiya təsadüfi, təbii və süni mutagenezdən orqanizmin genotipinin müəyyən məqsədlə dəyişdirilməsi ilə fərqlənir. Hazırda genetik modifikasiyanın əsas növü trensgen orqanizmlərin yaradılması üçün trensgenlərdən istifadədir.
Məqalə müəllifi ilə əlaqə ünvanı: [email protected]
