Azərbaycan, Bakı, 11 sentyabr / Trend , müxbir Ü.İsmayılova /
Azərbaycanın 2010-cu il üçün dövlət büdcəsindən "Aqroservis" şirkətinin "Aqrolizin" ASC-nin rayon filialına 10 milyon manat ayrılacaq. Bu barədə rəsmi nəşrə müsahibəsində kənd təsərrüfatı naziri İsmət Abbasov deyib.
"Bu vəsait "Aqroservis"in fəaliyyətinin təkmilləşdirilməsi və müasir standartlara uyğun xidmət səviyyəsinin formalaşdırılmasına ayrılacaq", - nazir deyib.
Onun sözlərinə görə, "Aqroservis"in yerli mütəxəssisləri adətən fermerlərə texniki avadanlıqların ehtiyat hissələrini təzələməyə kömək edirlər. Gələcəkdə kənd təsərrüfatı avadanlıqlarının kiçik texniki ehtiyat hissələri Azərbaycanda istehsal ediləcək.
Nazir deyib ki, 2007-ci ildə "Aqroservis" üçün ölkənin dövlət büdcəsindən 10 milyon ayrılıb. İki ay əvvəl prezidentin ehtiyat fondundan 5 milyon manat ayrılıb.
Bütün bu vəsaitlər ölkə regionlarında göstərilən xidmətlərin təkmilləşdirilməsi üzrə tədbirlərin həyata keçirilməsinə yönəldilib.
Abbasovun sözlərinə görə, "Aqroservis" özəl aqrotexnika sahiblərinə texniki xidmət də göstərir.
"Aqrolizinq" ASC-nin ölkənin 55 rayonunda xidmət məntəqələri var. Öz fəaliyyətinə 2005-ci ildən başlayan şirkət 8,817 min ədəd aqrotexnika, o cümlədən 745 taxılyığan kombayn, 2,25 min traktor, 132 ekskavator, 5,69 min müxtəlif kənd təsərrüfatı texnikası istifadəyə verib.
Məqalə müəllifi ilə əlaqə ünvanı: [email protected]
