Azərbaycan, Bakı, 17 sentyabr / Trend , müxbir N.İsmayılova /
Azərbaycan İqtisadi İnkişaf Nazirliyi yanında Sahibkarlığa Dəstək Milli Fondu meyvə, tərəvəz və digər ərzaq məhsullarının saxlanılması və satışı üçün soyuducu anbar kompleksinin yaradılması üzrə əlavə iki ivnestisiya layihəsinin maliyyələşdirilməsi təklifini bəyənib. Bu barədə cümə axşamı Fondun icraçı direktoru Şirzad Abdullayev deyib.
"Fond tərəfindən Cəlilabadda iki min ton gücündə və Ağsuda min ton gücündə iki soyuducu anbar komplesinin maliyyələşdirilməsi təklifi bəyənilib", - Abdullayev deyib.
Onun sözlərinə görə, iki investisiya layihəsinin ümumi dəyəri 3,2 milyon manatdır. Bundan iki milyon manatı Cəlilabadda, 1,2 milyon manatı isə Ağsuda soyuducu anbar kompleksinin inşasına yönəldiləcək.
"Bu günə Milli Fond tərəfindən 75 milyon manat məbləğində təxminən 1500 layihə maliyyələşdirilib", - Abdullayev deyib.
Onun sözlərinə görə, bu günə bəyənilmiş, 45 milyon manat məbləğində investisiya layihələri ilə (təxminən 200 layihə) birgə bu məbləğ 120 milyon manat təşkil edir.
2009-cu ildə fondun xətti ilə 130 milyon manat güzəştli kredit verilməsi planlaşdırılır. Ondan 74 milyon manat büdcə vəsaitinin payına düşür, 56 milyon manat isə əvvəl verilmiş kredit resursları hesabına formalaşdırılıb.
Sentyabrın 17-nə olan cari məzənnə 0,8032 AZN/USD təşkil edir.
Məqalə müəllifi ilə əlaqə ünvanı: [email protected]