Azərbaycan, Bakı, 25 sentyabr / Trend , müxbir Ü.İsmayılova /
Sentyabrın ikinci yarısında Bakıda daşınmaz əmlak bazarı 10-12 faiz fəallaşıb, cümə günü "MBA Group" konsaltinq şirkətinin baş direktoru, ekspert Nüsrət İbrahimov deyib.
"Bazarda fəallaşmanın artması mənzil bazarı üçün mövsümün başlanması ilə əlaqədardır", - İbrahimov deyib.
Onun sözlərinə görə, bazarın fəallığının artmasına baxmayaraq, orta qiymətlər stabil qalıb, ucuz mənzillərin qiyməti artıb, ən bahalı mənzillərin qiyməti isə enib.
Ekspertin rəyinə görə, əgər əvvəllər iki otaqlı mənzillərin əksəriyyətini 60-65 min dollar almaq olurdusa, indi həmin mənzillər 70-75 min dollardır.
"İkiotaqlı mənzillərdəki bu vəziyyət bazarda ən ucuz mənzillərin demək olar ki, qalmaması ilə əlaqədardır", - İbrahimov deyib.
Məqalə müəllifi ilə əlaqə ünvanı: [email protected]
