...

SECO Azərbaycanda qiymətli kağızlar bazarının inkişafı üzrə yeni layihələrdə iştirak imkanlarını nəzərdən keçirir

Biznes və iqtisadiyyat xəbərləri Materials 30 Sentyabr 2009 11:57 (UTC +04:00)
Azərbaycanın Qimyətli Kağızlar üzrə Dövlət Komitəsi İsveçərinin iqtisadi məsələlər üzrə dövlət katibliyinə (SECO) qiymətli kağızlar bazarının inkişafı üzrə beş layihənin maliyyələşdirilməsi imkanını nəzərdən keçirməyi təklif edib, bu barədə çərşənbə axşamı QKDK-nin sədri Rüfət Aslanlı bildirib.
SECO Azərbaycanda qiymətli kağızlar bazarının inkişafı üzrə yeni layihələrdə iştirak imkanlarını nəzərdən keçirir

Azərbaycan, Bakı, 30 sentyabr / Trend , müxbir N.İsmayılova/

Azərbaycanın Qimyətli Kağızlar üzrə Dövlət Komitəsi İsveçərinin iqtisadi məsələlər üzrə dövlət katibliyinə (SECO) qiymətli kağızlar bazarının inkişafı üzrə beş layihənin maliyyələşdirilməsi imkanını nəzərdən keçirməyi təklif edib, bu barədə çərşənbə axşamı QKDK-nin sədri Rüfət Aslanlı bildirib.

"Təqdim olunan layihələr arasında həm institusional, texniki əhəmiyyətli layihələr, həm də böyük layihələr var, onlardan biri ictimai məlumatlandırma ilə bağlıdır", - Aslanlı bildirib.

Onun sözlərinə əsasən, bu layihə çoxkomponentlidir, belə ki, təkcə konkret təbirlərin keçirilməsini və əhalinin məlumatlandırılmasını deyil, həmçinin maliyyə vasitəçilərinin treniqnlərindən başlayaraq bəzi televiziya verilişlərinin və mətbuat materiallarının, ali məktəblər üçün proqramların, kapital baza üzrə tədris mərkəzinin yaradılmasını əhatə edir.

"Hazırda mən layihələrin dəyərini açıqlamaqda çətinlik çəkirəm, çünki biz təklifi hələ yeni vermişik", - o bildirib.

SECO ölkənin Mərkəzi Bankının və Maliyyə Nazirliyinin dəstəyi ilə 2005-ci ildən həyata keçirilən "Qiymətli kağızların ilkin və təkrar bazarının inkişafı" layihəsində Beynəlxalq Valyuta Fondu ilə birgə iştirak edir.

Layihənin ümumi büdcəsi 1 917 384 dollar təşkil edir. Layihənin əsas vəzifələri Maliyyə Nazirliyi və Mərkəzi Bank arasında koordinasiya fəaliyyəti vasitəsilə büdcənin və pul siyasətinin tənzimlənməsinin inkişafı; qiymətli kağızlar bazarının təkmilləşdirilməsinə texniki yardımın göstərilməsi; bu sahədə qanunvericiliyin yenidən nəzərdən keçirilməsi və müvafiq hüquq çərçivələrinin yaradılması üzrə məsləhət köməyinin göstərilməsi; Mərkəzi Bank üçün pul siyasətinə rəhbərlik etmək üzrə şərait və imkanların yaradılmasıdır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti