Azərbaycan, Bakı, 3 oktyabr / Trend , müxbir Ü.İsmayılova /
Avqustda Bakıda qeyri yaşayış obyektinin bir kvadrat metrinin qiyməti 0,4 faiz azalaraq 3 min dollar olub. İyulda bu göstərici 3,011 min dollar olub, şənbə günü "Əmlak Bazarı İştirakçıları" İctimai Birliyindən verilən məlumatda deyilir. 2008-ci ilin müvafiq dövrü ilə müqayisədə qiymətlər 18,8 faiz azalıb.
Qiymətlərin 8,2 faizlik artımı Bakının Xətai rayonunda, 4,1 faizlik azalması isə Yasamal rayonunda müşahidə edilib.
Ticarət obyektlərinin kirayə qiymətləri isə 0,2 faiz azalıb.
Avqustda bazarda təkliflər 4,3 faiz artıb. Bazar portfelinin böyük hissəsini Nərimanov rayonunda (24 faiz), həmçinin Nəsimi (18,5 faiz), Yasamal (15,6 faiz), Səbail (15,3 faiz), Xətai (9,9 faiz) və digər rayonlarda edilən təkliflər təşkil edib.
Ticarət əmlakının ekspozisiya müddəti avqust ayında bir faiz artıb.
Toplu cədvəl şəhərin zonaları üzrə qiymətlərin dəyişilməsini göstərir:
Şəhərin zonaları |
Bir kvadrat metrə görə orta qiymət dollarla |
Orta qiymətlərin dəyişilməsi faizlə |
I |
4930 |
-0,9 |
II |
3518 |
-0,9 |
III |
2200 |
-0,4 |
IV |
885 |
-9,2 |
Məqalə müəllifi ilə əlaqə ünvanı: [email protected]