Azərbaycan, Bakı, 12 oktyabr / Trend , müxbir Ü.İsmayılova/
Standartlaşdırma, Metrologiya, Patent üzrə Dövlət Komitəsi ölkənin istehlak bazarında 20-yə yaxın adda uşaq oyuncaqlarının satışını qadağan edib, Komitənin Ərzaq mallarına dövlət nəzarəti sektorunun başçısı Mənsim Babayev bazar ertəsi deyib.
"Oyuncaqların keyfiyyəti Dövlət Komitəsinin təcrübə laboratoriyalarında və Azərbaycan Səhiyyə Nazirliyinin Epidemiologiya və Gigiyena Mərkəzinin laboratoriyalarında yoxlanıb", - Babeyev deyib.
Onun sözlərinə görə, müayinələrin nəticələri lazımi tədbirlərin görülməsi üçün bütün dövlət strukturlarına göndərilib
Azərbaycan Standartlaşdırma, Metrologiya və Patent Dövlət Komitəsi iyul ayının əvvəllərində uşaq oyuncaqlarının keyfiyyətinin yoxlanmasına dair aparılan monitorinqlərin yekunlarını elan edib. Monitorinqlər Bakının Səbail, Nəsimi və Qaradağ rayonlarında aparılıb. Dövlət Komitəsinin əməkdaşları yoxlama aparmaq üçün Çin və Rusiya istehsalı olan oyuncaq nümunələri götürüblər. Müayinələrin nəticələri bunlardaır: oyuncaqların tərkibində ağır metallar aşkar edilib, oyuncaqların iyi normadan artıq olub, onların rəngi və tikişləri davamsızdır.
Ticarət obyektlərində keyfiyyət sertifikatı olmayan oyuncaqlar aşkar edilib. Əsasən Çin istehsalı olan mallar keyfiyyətsizdir.
Monitorinqlərin nəticələri, xüsusilə də təhlükəli oyuncaqların siyahısı bu mallardan istifadənin təhlükəli olması barədə əhalinin xəbərdar edilməsi üçün Ailə, Qadın və Uşaq problemləri üzrə Dövlət Komitəsinə və ölkəyə analoji məhsulların gətirilməsinin qarşısını almaq və ölkənin daxili bazarının keyfiyyətinin təhlükəsizliyinin təmin etmək məqsədilə Dövlət Gömrük Komitəsinə təqdim edilib.
Məqalə müəllifi ilə əlaqə ünvanı: [email protected]