Azərbaycan, Bakı, 16 oktyabr / Trend , müxbir Ü.İsmayılova/
Azərbaycanın böyük sığorta şirkətlərindən biri olan Standard Insurance şirkətinin haqları yanvar-sentyabr ayları ərzində fəaliyyət yekunlarına əsasən, təxminən 6,5 milyon manat təşkil edib, bu barədə şirkətin İdarə Heyətinin sədri Kamal İbrahimov bildirib.
"Bu dövr ərzində şirkətin sığorta bank kreditləşməsi üzrə yığımları 17-25 faiz azalıb", - İbrahimov bildirib.
Onun sözlərinə əsasən, sığorta bazarındakı ümumi azalmanı nəzərə alsaq bu, normal vəziyyətdir.
"Lakin bu bizi qorxutmur, çünki Standard Insurance-ın həm korporativ, həm də özəl müştəriləri ötən ilki səviyyədə saxlanılıb. İlin sonuna kimi bazar əvvəlki səviyyəsini bərpa edəcək və düşünürəm ki, yığımlarımız əvvəlki həcmlərə kimi artacaq", - İbrahimov bildirib.
Onun sözlərinə əsasən, ilin sonuna kimi şirkət yığımların həcmini 10 milyon manata kimi çatdırmaq niyyətindədir. Şirkətin mədaxili təxminən bir milyon manat təşkil edəcək.
"Hazırda Standard Insurance-ın kapitalizasiyası 13-14 milyona kimi artıb, bu məbləğin bir hissəsinin nizamnamə kapitalının artırılmasına yönəldilməsi planlaşdırılır", - İbrahimov bildirib.
