Azərbaycan, Bakı, 20 noyabr / Trend , müxbir Ü.İsmayılova/
Altı ayın yekunlarına görə, Azərbaycanın iri sığorta şirkəti olan MBASK-ın avtosığorta üzrə haqları təxminən iki dəfə azalıb. Bu barədə cümə günü şirkətin İdarə Heyətinin sədri Cəmil Məlikov deyib.
"Avtosığorta üzrə yığılmaların sayının azalması Azərbaycan banklarının kredit siyasətinin sərtləşdirilməsi ilə əlaqədardır. Əhali belə şərtlərlə kredit götürməyə ehtiyat edir", - Məlikov deyib.
Onun sözlərinə görə, bu vəziyyət ölkənin avtosığorta bazarında bu il Azərbaycanda nəqliyyat vasitələrinin idxalının 36,8% azalması ilə əlaqədardır.
Məlikov deyib ki, əgər əvvəllər MBASK şirkəti avtosığorta üzrə xidmətlərin göstərilməsinə görə ölkədə lider idisə, bu gün əsasən əmlakın sığortalanmasına üstünlük verilir.
Cari ilin fəaliyyət yekunlarına görə, şirkətin ümumi yığılmalarının 8-9 milyon manat, ödəmələrin isə 6 - 6,5 milyon manat olacağı gözlənilir.
2008-ci ilin yekunlarına görə, şirkətin haqları 5,69 milyon manatlıq ödəmələrlə 18,55 milyon manat təşkil edib. Cari ilin yanvar-sentyabr aylarının fəaliyyət yekununa görə, MBASK şirkəti 4,78 milyon manatlıq ödəmələrlə 5,39 milyon manat sığorta haqqı yığıb və il ərzində sığorta şirkətləri renkingində 10-cu yeri tutub.
Azərbaycanın sığorta bazarında 1992-ci ildən fəaliyyət göstərən MBASK SŞ 29 növ sığorta xidməti göstərir ki, onlardan 4-ü icbaridir. Şirkətin nizamnamə kapitalı 2 mln. manatdır. 2005-ci ilin yanvarından MBASK-ın səhmlərinin 30 faizi Avropa Yenidənqurma və İnkişaf Bankına məxsusdur. Onun əsas təsisçisi Unibank-dır.
Hazırda şirkət tərəfindən bağlanılmış sığorta vəsiqələrinin sayı 25 min ədəd təşkil edir. 2008-ci ildə bu göstərici 40 min səviyyəsində olub.
Noyabrın 20-nə olan rəsmi məzənnə 0,8027 AZN/USD təşkil edir.
Məqalə müəllifi ilə əlaqə ünvanı: [email protected]
