Azərbaycanın "Azərgarant" sığorta şirkəti 2009-cu il ərzində haqların 40 faiz azaldığını təsdiq edib

Azərbaycan, Bakı, 06 yanvar / Trend , müxbir Ü.İsmayılova/

"2009-cu ilin yekunları üzrə "Azərgarant" sığorta şirkətinin haqları təxminən 40 faiz azalıb", - bu barədə şirkətin idarə heyəti sədrinin müavini Şükür Hüseynov çərşənbə günü deyib.

"Operativ məlumatlara görə, 2009-cu ilin yekunu üzrə yığılan haqlar 2008-ci ilə olan göstəricinin təqribən 60%-ni təşkil edib", - bu məlumatı Hüseynov verib.

Onun sözlərinə görə, şirkət 2008-ci ilin yekunları üzrə bir milyon manatdan bir az artıq haqq yığıb. Ötən ilin yekunları üzrə isə bu göstərici 600 min manat həddində müəyyən edilib.

Gələn ilə dair proqnozlardan danışan Hüseynov deyib ki, maliyyə göstəricilərinin yaxşılaşdırılması əsas vəzifədir və bununla əlaqədar olaraq şirkət yeni korporativ müştərilərin cəlb edilməsi üzrə agentliklərlə işləri aktivləşdirəcək. Həmçinin "Azərgarant"ın regional filiallarının potensialını da  artıracaq.

"Azərgarant" sığorta şirkəti Azərbaycan bazarında 1993-cü ildən fəaliyyət göstərir. Şirkətin nizamnamə kapitalı 2,7 milyon manat təşkil edir.