Azərbaycan, Bakı, 07 yanvar / Trend , müxbir N.İsmayılova/
"Azərbaycanın Avropanın Yenidən Qurma və İnkişaf Bankı ilə əməkdaşlığının cari vəziyyəti və əlaqələrin gələcəkdə genişləndirilməsi perspektivləri AYİB prezidenti Tomas Mirovun mart ayında Bakıya gözlənilən səfəri zamanı müzakirə ediləcək", - bu barədə cümə axşamı hökumət mənbələrindən məlumat verilib.
Bu Mirovun Azərbaycana ilk səfəridir. Əvvəllər AYİB-in prezidenti vəzifəsini icra edən Jan Lamyer 2006-cı ilin aprel ayında Bakıya səfər etmişdi.
"Avropa Bankının prezidentinin bu səfəri cari ilin sentyabr ayında AYİB-in direktorlar şurasında təsdiq edilməsi gözlənilən ölkə üzrə yani bank startegiyasının hazırlanması üçün əsas ola bilər", - mənbə deyib.
Avropa Bankının ölkə iqtisadiyyatının müxtəlif sahələrinin maliyyələşdirilməsi üçün 1 milyard dollardan artıq vəsait ayırması səmərəli əməkdaşlığın nəticəsidir. Həmçinin təbii ehtiyyatların hasil edilməsi, enerji və nəqliyyat sahəsindəki layihələr üzrə texniki iqtisadi sənədlərin hazırlanması üçün də maliyyə yardımı göstərilib.
Bu gün AYİB Azərbaycanın bank sektorunun inkişafında lider rolunu saxlamaqda davam edir. Bank gələn illərdə maliyyələşməsi üçün ölkənin qeyri-neft sektorunu və aqrobiznesi daha prioritetli isrtiqamətlər hesab edir və əsas nəqliyyat, enerji, infrastruktur layihələrin maliyyələşməsində öz iştirakını artırır.
AYİB - vəsaitləri Mərkəzi Avropadan Mərkəzi Asiyayadək 30 ölkədə demokratiya və bazar iqtisadiyyatının təşəkkül tapması məqsədilə istafadə edilən bankdır. 61 ölkə və iki beynəlxalq təşkilat onun sahibidir.