Azərbaycan, Bakı, 17 fevral / Trend /
2009-cu ildə Azərbaycana 1,76 milyon ton sement və sement klinkeri idxal olunub ki, bu da 2008-ci ilin analoji göstəricisindən 16,6 faiz azdır. Bu barədə Azərbaycan Dövlət Statistika Komitəsinin məlumatında deyilir.
Ötən il 70,2 milyon dollar məbləğində sement və sement klinkeri idxal edilib ki, bu da 2008-ci ilin analoji göstəricisindən 16,1 faiz azdır.
2009-cu ildə 616,7 min ton sement klinkeri idxal olunub ki, bu da ötən ilin göstəricisindən 30,7 faiz azdır. 25,03 milyon dollar məblığində klinker idxal olunub, bu, 2008-ci ilin göstəricisindən 12,2 faiz azdır.
2009-cu il ərzində ölkəyə 1,14 milyon ton sement idxal edilib ki, bu da 2008-ci ilin göstəricisindən 6,4 faiz azdır. Həmin dövr ərzində 45,17 milyon dollar məbləğində sement idxal edilib. Bu göstərici 2008-ci ildəkinə nisbətən 18 faiz azdır.