Azərbaycan, Bakı, 17 fevral / Trend , müxbir N.İsmayılova/
2010-cu ilin yanvar ayında Azərbaycanda sənaye istehsalı 2,543 milyard manat təşkil edib ki, bu da 2009-cu ilə olan göstəricidən 13,5% çoxdur. Bu barədə çərşənbə günü Dövlət Statistika Komitəsindən məlumat verilib.
Hesabat dövrü ərzində hasilat sənayesinin istehsal həcmi 16,7% artaraq 75,9%-lik xüsusi çəki ilə 1,93 milyard manat təşkil edib. Emal sənayesinin xüsusi çəkisi 17,8%, elektik enerjisi və qaz sektorunun xüsusi çəkisi 5,9%, su sektorunun xüsusi çəkisi isə 0,4% təşkil edib.
Hesabat dövrü ərzində neft hasilatının həcmi 17,6% artaraq 4,269 milyon ton, təbii qazın hasilat həcmi isə 16,8% artaraq 2,268 milyard təşkil edib.
Yanvar ayı ərzində özəl sektorun payı ümumi sənaye istehsalının 4/5-nü təşkil edib.
Emal sənayesinin istehsal həcmi 452,6 milyon manat təşkil edib. Qida məhsullarının istehsalında da böyük artım müşahidə edilib. Ölkədə makaron istehsalı 40,3% artaraq 386,2 ton təşkil edib. Ət istehsalı 3,9% (13,8 min ton), süd istehsalı 3% (53 min ton), kərə yağı istehsalı 0,9% (1,2 min ton), cem və mürəbbə 10,8% (0,6 min ton), marqarin istehsalı isə 36,8% (2 min ton) artıb.
Fevralın 17-nə olan rəsmi məzənnə 0,8032 AZN/USD təşkil edir.
