Azərbaycan, Bakı, 20 fevral / Trend , müxbir Ü.İsmayılova/
Azərbaycan Dövlət Gömrük Komitəsinin məlumatına görə, yanvarda nəqliyyat vasitələri ilə 3,06 milyon ton yük daşınıb ki, bu da 2009-cu ilin yanvar ayında daşınan yüklərin həcmindən 8,3 faiz çoxdur. Bu barədə şənbə günü komitədən bildirilib. Bu dövr ərzində ixrac 2,58 milyon ton, idxal isə 0,476 milyon ton təşkil edib.
Bu dövr ərzində dəniz nəqliyyat vasitələri ilə 6,6 min ton yük, dəmiryol vasitəsilə 206,3 min ton, avtomobil vasitəsilə 50,6 min ton, hava nəqliyyatı ilə 57,5 min ton yük ixrac olunub, boru kəmərləri vasitəsilə nəql isə 2,265 milyon ton təşkil edib.
Dəniz nəqliyyatı ilə 29,9 min ton yük, dəmiryol nəqliyyatı vasitəsilə 341,5 min ton, avtomobil nəqliyyatı ilə 103,3 min ton və hava nəqliyyatı vasitəsilə isə 0,9 min ton yük idxal edilib.
Azərbaycan ərazisi ilə 2009-cu il ərzində tranzitlə 783,1 min ton yük daşınıb ki, bu da 2009-cu ilin yanvarından 59,95 faiz, yaxud 293,5 min ton çoxdur.
Azərbaycan ərazisindən tranzitlə İsveçrəyə 176,1 ton yük, Bermud adalarına 328,9 min ton, Gürcüstana 33,4 min ton, Türkmənistana 27,1 min ton, Tacikisitana 18,6 min ton, Rusiyaya 18,9 min ton, Türkiyəyə 6,2 min ton, İrana 24,3 min ton, İtaliyaya 128,1 min ton, Əfqanıstana isə 17,5 min ton yük daşınıb.
