Özbəkistan, Daşkənd, 24 fevral / Trend , müxbir D.Əzizov/
Özbəkistanda infilyasiya 2009-cu ildə əvvəlki ildəki 7,8 faizə nisbətdə 7,4 faiz təşkil edib. Bu barədə Dövlət Statistika Komitəsinin məlumatında bildirilib. Statistika idarəsinin məlumatına əsasən, ərzaq məhsulları 2008-ci ildəki 2,7 faiz nisbətdə ötən il 6,3 faiz artıb.
Qeyri-ərzaq məhsulları 3,1 faiz, əhalinin ödənişli xidmətləri isə 7,3 faiz bahalaşıb.
2008-ci ildə infilyasiyanın orta aylıq səviyyəsi 0,6 faiz səviyyəsində saxlanılıb, həmçinin ərzaq məhsullarının orta qiyməti 0,5 faiz artıb, qeyri-ərzaq məhsullarının qiyməti ay ərzində 0,3 faiz, xidmətlər isə 1,3 faiz artıb.
2010-cu il üçün təsdiqlənmiş büdcənin parametrlərinə müvafiq olaraq Özbəkistanda infilyasiyanın 7-9 faiz səviyyəsində saxlanılması planlaşdırılır.