Azərbaycan, Bakı, 9 mart / Trend , müxbir Ü.İsmayılova/
Yanvarda Bakının tikinti materialları bazarında qiymətlər iki faiz bahalaşıb. Bu barədə çərşənbə günü "Əmlak Bazarı İştirakçıları" İctimai Birliyindən məlumat verilib. Qiymətlər ilin əvvəlinə 24,3 faiz artıb.
Yerli istehsal olan tikinti materiallarının payı 53,9 faiz təşkil edib.
Yanvarda təşkilatın mütəxəssisləri 38 adda 89 növ inşaat materialı üzrə monitorinq keçirib. Onlardan 13 növünün qiymətləri azalıb, 13 növün qiyməti isə artıb. Qalan 63 növün qiyməti sabit qalıb.
Yanvarda armaturun qiyməti 3,99 faiz, dəmir təbəqə - 2,82 faiz, sink təbəqə - 4,97 faiz, dam örtüyü - 2,12 faiz, plastik boru - 4,78 faiz, izolyasiya materialları - 7,41 faiz, asma tavanın qiyməti isə 11,11 faiz artıb. Şüşənin qiymətində 0,53 faiz, şüşə məmulatlarının qiymətində 7,69 faiz, laminat parketin qiymətində 6,12 faiz azalma müşahidə olunub. Ən aşağı qiymət alçıpanda (20 faiz) müşahidə olunub.
