Azərbaycan, Bakı, 2 aprel /Trend, müxbir E.İsmayılov/
Bakı Metropoliteninin üçüncü yeni xətti bütün yeni tələb və standartlara cavab verəcək. Bunu Bakı Metropoliteninin rəhbəri Tağı Əhmədov cümə günü deyib.
"Bakmetropolitenin üçüncü xəttinin ilk stansiyası "Memar Əcəmi" (şərti ad) və "Avtovağzal"dır. Bu stansiyanın tikintisinə artıq başlanılıb, bunun üçün dövlət investisiya ayırıb", - Əhmədov deyib.
"Bütün stansiyalar əvvəl sovet sisteminə uyğun olaraq inşa edilib və buna görə də bəzi qüsurlar var. Lakin yeni xəttin çəkilişi zamanı bütün müasir tələblər nəzərə alınacaq. Xüsusilə də əlillər və korlara uyğunlaşdırılacaq", - Əhmədov deyib.
Onun sözlərinə görə, digərlərindən fərqli olaraq yeni xəttin diametri 5,8 metr təşkil edəcək və stansiyaların peronu 8 qatar üçün nəzərdə tutulacaq. Digər xətlər 5 vaqon üçün nəzərdə tutulub.
Həmçinin bu ilin sonuna kimi Bakı Metropoliteni tunel çəkilişi üçün Almaniyanın "Herrenknecht" şirkətinin istehsalı olan yeni avadanlıqlar alacaq. "Bu işlər bütün lazımi danışıqları artıq aparmış "Metrotikinti" SC-yə tapşırılıb və tunel qazma üçün yeni qurğular bu ilin sonuna kimi alınacaq", - Əhmədov vurğulayıb.
Onun sözlərinə görə, yeni qurğunun gündəlik məhsuldarlığı 25 metr təşkil edir. Bu isə öz növbəsində ildə 4-6 yeni stansiyanın istismara verilməsinə imkan yaradır.
Bakı Metropoliteni 1967-ci ildən fəaliyyət göstərir və 22 stansiyası var.