Azərbaycan, Bakı, 16 aprel /Trend, müxbir N.İsmayılova/
2010-cu il aprelin 1-nə Texnikabankın aktivləri ötən ilin analoji dövr göstəricisi ilə müqayisədə 4,9 faiz artaraq 452,6 milyon manat təşkil edib. Bu barədə bankın cümə günü yayılan məlumatında deyilir.
Bankın nizamnamə kapitalı il ərzində 99,5 faiz artaraq 53,7 milyon manat olub.
Hesabat dövrü ərzində bankın depozit portfeli 173,7 milyon manata, fiziki şəxslərin əmanətləri isə 114,2 milyon manata çatıb.
Martın sonunda bankın kredit portfeli 4,2 faiz artaraq 348,8 milyon manat təşkil edib.
Bank tərəfindən emissiya edilmiş plastik kartların sayı aprelin əvvəlində 44 427 ədəd təşkil edib. Texnikabankın 57 bankomatı və 345 POS-terminalı var.
Texnikabank bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub.
