...

Azərbaycanda Dünya Bankının dəmiryol layihəsi üzrə öncədən ixtisaslaşdırmaya dəvət elan olunub

Biznes və iqtisadiyyat xəbərləri Materials 12 May 2010 16:20 (UTC +04:00)

Trend-i buradan izləyin

Azərbaycan, Bakı, 12 may /Trend, müxbir N. İsmayılova/

"Azərbaycan Dəmir Yolları" QSC Dünya Bankının (DB) Azərbaycanda dəmiryol nəqliyyatı və ticarətinin dəstəklənməsinə dair layihəsi çərçivəsində alışla əlaqədar olaraq öncədən ixtisaslaşdırmaya dəvət elan edib. Bu barədə layihənin işçi qrupunun rəsmi mətbuatda çap olunmuş elanında deyilir.

Dizaynın hazırlanması üçün öncədən ixtisaslaşdırmaya dəvət, 25 kilovoltluq sistemin, o cümlədən köməkçi stansiyaların quraşdırılması və təmin olunması, həmçinin enerji təminatı və kontakt şəbəkəsi - iki mərhələdə təmin olunması və quraşdırılmasıdır.

Bu işdə maraqlı olan şirkətlər kifayət qədər potensiala və təcrübəyə malik olmalıdırlar. Şirkətlər öncədən ixtisaslaşdırma sənədlərinin siyahısının alınması üçün ərizələri Dilarə Əliyeva küç., 230 ünvanına təqdim etməlidirlər və 150 manat (və ya 188 dollar) (kompensasiya olunmayan məbləğ) verməlidirlər.

Ərizələrin qəbulu 2010-cu il iyunun 25-də başa çatır. Əlaqə nömrəsi: +99 412 499 63 95; E-mail: [email protected], [email protected], [email protected]

Dəmiryol layihəsinin ümumi dəyəri 673 milyon dollar təşkil edir. Layihənin maliyyələşdirilməsi üçün DB 450 milyon dollar dəyərində kredit ayırıb. DB-nin Direktorlar Şurası layihəni 2008-ci il martın 27-də bəyənib. Dəmiryol infrastrukturunun yaxşılaşdırılması üçün kredit Beynəlxalq Yenidənqurma və İnkişaf Bankının şərtlərinə əsasən, 4 il imtiyaz dövrü daxil olmaqla,17 ilə verilib.

Alınmış kreditdən gələn gəlirlər yeni lokomotivlərin əldə edilməsinə, dəmiryolun daimi cərəyandan dəyişən cərəyana keçirilməsinə, rabitə və siqnal sisteminin yenidən qurulmasına, dəmiryolun 240 kilometrinin kapital təmirinə, beynəlxalq maliyyə hesabatlılığı sisteminin tətbiqinə yönələcək.

Xəbər lenti

Xəbər lenti