...

Azərbaycan boru-prokat zavodu istehsalın sağlamlaşdırılması üçün dövlətdən dəstək gözləyir

Biznes və iqtisadiyyat xəbərləri Materials 22 May 2010 17:34 (UTC +04:00)

Trend-i buradan izləyin

Azərbaycan, Bakı, 22 may / Trend. İ.Xəlilova /

"Azərboru" boru-prokatı zavodu müəssisənin sağlamlaşdırılması üçün dövlətdən gözlənilən dəstək çərçivəsində qısamüddətli investisiya proqramını həyata keçirməyə başlayıb.Bu barədə zavodun baş direktoru Əzim Əzimov bildirib.

"Proqram çərçivəsində müəssisənin investisiya cəlbediliciliyinin yüksəldilməsi, istehsalın genişləndirilməsi və məhsulların satış həcminin artırılması, idxal olunan xammaldan asılılığını azalması nəzərdə tutulur", - Əzimov bildirib.

Proqramın həyata keçirilməsi məhsulun istehsal həcmini illik bir milyon tona, eləcə də 300-350 min ton polad və 650 min ton hazır məhsula qədər artırmağa imkan verəcək.

"Bu həcmlərə Daşkəsən dağ-mədən filizsaflaşdırma kombinatından və Gəncə poladtökmə zavodundan xammal alınacağı halda mümkündür, - Əzimov deyib. - Biz tikişsiz polad boruların istehsalına başlamağı planlaşdırırıq".

Tikişsiz borular boru kəmərlərinin tikintisində və müxtəlif maşın və qurğuların hazırlanmasında uğurla tətbiq olunur, çünki bu cür borular divar və onun formasının ölçülərində böyük dəqiqliyə malikdirlər.

Bundan əvvəl hazırlanmış müəssisənin sağlamlaşdırılması proqramına görə, boru prokat zavodunun fəaliyyətinin tam bərpa olunması 20 milyon dollardan çox qiymətləndirilir. O, müəssisənin istehsal gücünün illik 140-150 min ton boru qədər artırılmasını nəzərdə tutur. Bunun üçün isə boru istehsalı üzrə əlavə xəttin işinin bərpası vacibdir.

2010-cu ildə müəssisə 55-60 min ton məhsul istehsal etməyi planlaşdırır. Birinci rübdə boru-prokat zavodu bütün 2009-cu il ərzindəki göstəriciyə nisbətən istehsalın həcmini ikiqat artırıb. Buraxılan məhsulun 82 faizi Rusiya, Qazaxıstan, İran və Avropa ölkələrinə ixrac olunur.

Əgər əvvəllər Azərboru 60-168 diametrlik borular buraxırdısa, bu gün onların çeşidləri genişlənib və onların siyahısına 187, 194, 219 millimetrlik borular əlavə edilib. Eləcə də 178 millinetr diametri olan müdafikə borularının buraxılışına da başlanılıb.

"Azərboru" SC 1952-ci ildən Sumqayıtda fəaliyyət göstərir. Müəssisənin səhmlərinin 97,39 faizi investisiya proqramı üzrə öhdəlikləri yerinə yetriməyən Britaniyanın Targol Investment şirkətilə müqavilənin pozulmasından sonra dövlət mülkiyyətinə qaytarılıb.

Xəbər lenti

Xəbər lenti