Аzərbaycan, Bakı, 7 iyul /Trend, müxbir E.İsmayılov/
Yanvar-may aylarında Gürcüstanın avtomobil nəqliyyatı ilə ötən ilin analoji dövründə olan 9,6 milyon tona nisbətdə 9,8 milyon ton yük daşınıb. Bu barədə çərşənbə günü Gürcüstan hökumətindən verilən məlumatda deyilir.
Məlumatda deyildiyi kimi, bu dövr ərzində dəmiryol nəqliyyatı vasitəsilə ötən ilin yanvar-may aylarında qeydə alınan 6,3 milyon tona nisbətdə səkkiz milyon ton yük daşınıb.
Həmçinin, cari ilin yanvar-may aylarında Gürcüstanın hava nəqliyyatı vasitəsilə ötən ilin analoji dövründəki dörd milyon tona nisbətdə 4,9 milyon ton yük daşınıb.
Ötən il dəmiryol nəqliyyatı vasitəsilə 17,1 milyon ton, avtomobil nəqliyyatı ilə 28,2 milyon ton yük daşınıb.
Ümumilikdə 2009-cu ildə Gürcüstanın nəqliyyat sektoru ilə 45,3 milyon ton yük daşınıb. Bu rəqəm 2008-ci ildə 49 milyon ton təşkil edib.
