Gürcüstan, Tbilisi, 26 iyul /Trend, müxbir N.Kirsxaliya/
Gürcüstan və Bolqarıstan vergi və gömrük inzibatçılığı sahəsində əməkdaşlıq edəcəklər. Gürcüstanın Maliyyə Nazirliyindən deyildiyi kimi, bu məqsədlə Gürcüstanın maliyyə naziri Kaxa Bainduraşvili Bolqarıstana səfər yola düşüb.
İyulun 25-27-də işgüzar səfər çərçivəsində Gürcüstanın maliyyə naziri Bainduraşvili Sofiyada bolqar həmkarı Saymon Cankovla görüşəcək.
Tərəflər vergi və gömrük inzibatçılığı sahəsində idarələrarası əməkdaşlığın dərinləşdirilməsi perspektivlərini müzakirə edəcəklər.