Azərbaycan, Bakı, 4 avqust /Trend, müxbir N.İsmayılova/
İyunda Azərbaycanın bank sektorunda kapitallaşma 0,6, ilin əvvəlindən isə 2,7 faiz artaraq 2058,35 milyon manat təşkil edib. Bu barədə çərşənbə gün Azərbaycan Mərkəzi Bankından (AMB) məlumat verilib.
AMB-nin statistik məlumatlarına görə, kapitalı 10 milyon manatı ötən bankların sayı ötən ilin iyun ayının məlumatlarındakı 41 bankdan cari ilin iyunun sonlarına olan məlumatlarda 42 bankadək artıb. İyunda bütün bankların ümumi kapitalının həcmində bu kateqoriyadan olan bankların xüsusi çəkisi 98,3 faizdən 98,4 faizədək artıb.
Üç bankın (xüsusi çəkisi 1,2 faiz) kapitalı 5 milyon manatdan 10 milyon manatadək, bir bankın (0,2 faiz) - 3,5 milyon manatdan 5 milyon manatadək həcm civarında formalaşıb, bir bank isə (0,2 faiz) onu 3,5 milyon manat miqdarında ödəyib.
Avqustun 4-də rəsmi məzənnə 0,8033 AZN/USD təşkil edir.