Azərbaycan, Bakı, 18 avqust /Trend, müxbir N.İsmayılova/
Azərbaycanın "Azersun Holding" şirkəti Krasnodar diyarında çay istehsalının bərpasına 17 milyon dollar investisiya yatırmaq niyyətindədir. Bu barədə çərşənbə günü mətbuat konfransında Rusiyanın Azərbaycandakı ticarət nümayəndəsi Yuri Şedrin deyib.
"Azersun Holding" konserv zavodunun inşasına artıq 17 milyon dollar yatırıb və regionda çay istehsalının bərpasına da elə bu qədər məbləğdə yatırmaq niyyətindədir", - Şedrin qeyd edib.
"Azersun Holding" 1992-ci ildə yaradılıb. Holdinqin fəaliyyət sahələri çay, bitki yağlarının emalı və çəkilib qablaşdırılması, ticarət və distribüterlik, inşaat, bank işi, sığorta, karton-kağız məmulatlarının, ət və tərəvəz konservlərinin istehsalı, yüklərin daşınması, saxlanması və s.-dən ibarətdir.