Gürcüstan, Tbilisi, 7 sentyabr /Trend, müxbir N.Kirsxaliya/
Böyük Britaniyanın "Hestok Limited" şirkəti Batumidə əyləncə mərkəzinin tikintisinə başlayıb. Şirkət paralel olaraq kanat yolun tikintisini də planlaşdırır. Mərkəz Periya dağında tikiləcək və kanat yol vasitəsilə Batumi ilə birləşdiriləcək.
İlkin hesablamalara görə, tikinti işləri 50 milyon avroya başa gələcək.
"Hestok Limited" şirkətinin törəmə şirkəti olan "Hestok Batumi" hələ 2009-cu ildə Periya dağında rəmzi qiymətə 16 hektar torpaq sahəsi almışdı. İmzalanan sazişə uyğun olaraq, tikinti işləri 2012-ci ildə başa çatdırılmalıdır.
"Hestok Limited" Batumidə 90 milyon avro sərmayə qoyduğu ikinci layihəsini də həyata keçirir. Layihə "Hilton" mehmanxanasının tikintisini nəzərdə tutur. 23 mərtəbəli mehmanxana kompleksi 250 nömrə üçün nəzəzrdə tutulub və tikintisi 2012-ci ildə başa çatacaq.