Azərbaycan, Bakı, 22 oktyabr /Trend/
Yanvar-avqust aylarında Azərbaycana 919,3 min ton sement və sement klinkerləri idxal edilib ki, bu da ötən ilin analoji dövr göstəricisindən 23,3 faiz azdır. Bu barədə Dövlət Statistika Komitəsinin məlumatında deyilir. Yanvar-avqustda 42,1 milyon dollardan artıq sement və sement klinkeri idxal olunub ki, bu da 2009-cu ilin müvafiq dövr göstəricisindən 0,8 faiz azdır.
Yanvar-avqustda 334,5 min ton sement klinkeri idxal edilib ki, bu da ötən ilin analoji dövr göstəricisindən 22,5 faiz azdır. 16 milyon dollara yaxın isə klinker idxal edilib. Bu, 2009-cu ilin analoji dövr göstəricisindən 17,1 faiz azdır.
Yanvar-iyun ayları ərzində ölkəyə 396,01 min ton sement idxal edilib ki, bu da ötən ilin analoji dövr göstəricisindən 14,4 faiz azdır. Bu dövr ərzində 17,7 milyon dəyərində sement gətirilib ki, bu da 2009-cu ilin yanvar-iyununda qeydə alınan göstəricidən 8,8 faiz azdır.
Yanvar-avqustda Azərbaycanda 584,8 min ton sement istehsal edilib ki, bu da ötən ilin analoji dövr göstəricisindən 23,8 faiz azdır.
Yanvar-sentyabrda Azərbaycanda 969,1 min ton sement istehsal edilib ki, bu da ötən ilin analoji dövr göstəricisindən 2 faiz azdır.