Azərbaycan, Bakı, 3 dekabr /Trend, müxbir Ü.İsmayılova/
Yanvar-sentyabrda Azərbaycanda 1039 mindən çox torpaq qanunvericiliyinin pozulması faktı aşkar edilib. Bu barədə Dövlət Torpaq və Xəritəçəkmə Komitəsinin sədri Qərib Məmmədov deyib.
"Hüquqpozmaların ümumi sayından 321 halla bağlı xəbərdarlıq edilib, 718 halda inzibati hüquq pozuntusu haqqında protokollar tərtib olunub", - Məmmədov bildirib.
Onun sözlərinə görə, aşkar edilən hüquq pozuntuları nəticəsində 39 566 manat məbləğində cərimə tətbiq edilib. Bunun 11 558 manatı artıq ödənilib, 28 min manat cərimə ilə bağlı sənədlər məhkəmə araşdırmasına verilib. İnzibati hüquq pozuntuları iki halda vəzifəli şəxslərdə, 77 hal hüquqi şəxslərdə və 960 hal isə fiziki şəxslərdə aşkar edilib.
Azərbaycanın ümumi torpaq fondu 8 641 506 hektar təşkil edir.