Azərbaycan, Bakı, 6 dekabr /Trend, müxbir Ü.İsmayılova/
Oktyabrda Bakının ticari məqsədlərlə istifadə olunan qeyri-yaşayış obyektləri bazarında orta əmlak qiyməti sentyabra nisbətdə 0,5 faiz azalıb, icarə haqqı isə dəyişməz olaraq qalıb. Bu barədə "Əmlak Bazarı İştirakçıları" İctimai Birliyindən məlumat verilib.
Sentyabrda ticari obyektlərin alış-satışı üzrə əməliyyatların sayı 2,5 faiz azalıb. Bu dövr ərzində təkliflər 1,3 faiz artıb. Bazar qiymətlərinin artmasına baxmayaraq, aşağı tələbat əmlakın bu növü üzrə riskin səviyyəsini artıran ekspozisiya müddətinin artmasına təsir edib.
Bakının qeyri-yaşayış obyektlərinin bir kvadratmetrinin orta qiyməti sentyabrda 2973 dollardan oktyabrda 2958 dollara enib.
Aparılan tədqiqatlara əsasən, ikinci rübə nisbətdə qiymətlər 0,5 faiz artıb, ötən ilin oktyabrı ilə müqayisədə isə 1,3 faiz aşağı düşüb.
Bazarda orta qiymətdən aşağı təklif olunan qeyri-yaşayış obyektlərinin payı (bir kvadratmetr üçün 2958 dollar) ümumi portfelin 52,2 faizini təşkil edib.
Yekun cədvəl şəhərin zonaları və ticarət obyektləri üzrə qiymət dəyişikliklərini göstərir:
|
Şəhərin zonaları |
Oktyabrda orta qiymətlər ($-la) |
Qiymətlərin dəyişməsi (%-lə) |
|
I |
4881 |
stabil |
|
II |
3477 |
0,5 |
|
III |
2140 |
-0,8 |
|
IV |
802 |
1 |