Azərbaycan, Bakı, 15 dekabr /Trend, müxbir İ.Xəlilova/
2010-cu ilin yanvar-noyabr aylarında Azərbaycanda sənaye istehsalı (məhsul istehsalı və sənaye xarakterli xidmətlərin göstərilməsi) 25,3 milyard manat təşkil edib ki, bu da 2009-cu ilin müvafiq dövr göstəricisindən 3,1 faiz çoxdur. Bu barədə çərşənbə günü Dövlət Statistika Komitəsindən bildiriblər.
Hesabat dövrü ərzində emal sənayesinin istehsal həcmi 1,9 faiz artaraq 19,226 milyard manat olub ki, bu da ümumilikdə sənaye istehsalının xüsusi çəkisinin 76,1 faizini təşkil edib. Emal sənayesinin ümumi çəkisi 18,8 faiz (8,8 faiz artımla), elektrik enerjisi və qaz sektorunun payı 4,5 faiz (6,7 faiz artımla), su sektoru 0,6 faiz (1,2 faiz azalma) təşkil edib.
Hesabat dövründə Azərbaycan Beynəlxalq Əməliyyat Şirkərinin (ABƏŞ) tərkibinə daxil olan müəssisələrin hasil etdiyi neftin həcmi 1,6 faiz artaraq 47,1 milyon ton, təbii qaz hasilatı isə 4,5 faiz artımla 15,5 milyard kubmetr təşkil edib.
Yanvar-noyabr ayları ərzində özəl sektorun payı 1,9 faiz artaraq sənaye istehsalının ümumi həcminin 81,6 faizini təşkil edib. Bu zaman 93,2 faiz sənaye mallarının, 6,8 faiz isə sənaye xarakterli xidmətlərin payına düşür. Qeyri-neft sektorunda məhsul istehsalı 5,9 faiz artaraq 4,6 milyard manat təşkil edib.
Emal sənayesinin həcmi 4 755,6 milyon manat təşkil edib. 11 ay ərzində avtomobil, qoşqu və yarımqoşquların (74,4 dəfə), elektrik avadanlıqların (83,2 faiz), metallurgiya sənayesi (22,3 faiz), alkoqol içkilər (12,7 faiz) və kimya sənayesi (11,2 faiz) istehsalında xeyli artım müşahidə olunub.
Qida məhsullarının istehsalı cəmi 2,2 faiz artıb. Bu zaman makaron məmulatlarının istehsalı 54,2 faiz artaraq 18,3 ton, pendir və kəsmik 2 faiz artaraq 39,7 min ton, ət 3,9 faiz (225,8 min ton), süd 3 faiz (582,7 min ton), kərə yağı 0,9 (19,2 min ton), bitki yağları 11,2 faiz (37,4 min ton) təşkil edib.
