Azərbaycan, Bakı, 17 dekabr /Trend, müxbir Ü.İsmayılova/
Yanvar-noyabr aylarında Azərbaycanda kənd təsərrüfatı məhsullarının faktiki qiymətlər üzrə ümumi dəyəri 3,428 milyard manat təşkil edib ki, bu da ötən ilin analoji dövri ilə müqayisədə 2,7 faiz azdır. Bu barədə cümə günü Azərbaycan Dövlət Statistika Komitəsindən məlumat verilib.
Bitkiçilik məhsullarının faktiki qiymətlər üzrə dəyəri il ərzində doqquz faiz, heyvandarlıq məhsulları isə 7,1 faiz azalıb.
Meşə təsərrüfatı məhsullarının faktiki qiymətlər üzrə dəyəri bu dövrdə 1802,6 min manat olub. Bu göstərici keçən il 1645,1 min manat təşkil edib. Balıqçılıq məhsullarının istehsal qiyməti isə 117,8 min manat olub. Bu göstərici 2009-cu ildə 124 min manat təşkil edib.