...

Azərbaycanda "Hilton Baku" hotelinin tikintisi başa çatmaq üzrədir

Biznes və iqtisadiyyat xəbərləri Materials 20 Dekabr 2010 20:52 (UTC +04:00)

Azərbaycan, Bakı, 20 dekabr /Trend, müxbir Ü.İsmayılova/

Azərbaycanın ISR şirkətlər qrupu beşulduzlu "Hilton Baku" hotelinin tikintisini başa çatdırmaq üzrədir. Bu barədə şirkətdən bildiriblər.

"Hotelin açılışı 2011-ci ilin sentyabrına planlaşdırılır", - şirkətdən deyiblər.

"Hilton Baku" Bakının Azadlıq prospektində ("Azərbaycan" mehmanxanasının yerində) tikilir. Tikinti işləri "ISR Capital Investments" şirkəti tərəfindən aparılır.

Beşulduzlu "Hilton Baku" hotelinin ərazisi 42 160 kvadratmetrdir. Otel 25 mərtəbəli olmaqla 308 otaqdan ibarət olacaq. Oteldə 550 maşınlıq bağlı avtopark, panoramalı liftlər, müxtəlif restoranlar, konsert və sərgi salonları, 670 kvadratmetrdə yerləşəcək sağlamlıq mərkəzi, idman və fitnes mərkəzləri, üzgüçülük hovuzları olacaq.

Hotelin sonuncu mərtəbəsində 360 dərəcə fırlanan və bütün Bakının panoramasını əhatə edən bar yerləşəcək.

ISR şirkətlər qrupu 1995-ci ildən fəaliyyət göstərir. Şirkət nəqliyyat, daşınmaz əmlak, ticarət və xidmət sahələrinə sərmayə yatırıb. ISR şirkətlər qrupuna "Bakı Əyləncə Mərkəzi", "Nərgiz Ticarət Mərkəzi", "Toyota Bakı Mərkəzi", "ISR Residence-I" və "ISR Residence-II" elit yaşayış kompleksləri, Bakı Avtomobil Bazarı, "Azər-Yod" yod-brom zavodu, "Park Inn Azərbaycan, "ISR Plaza", "Radisson Hotel" və 2011-ci ildə istifadəyə veriləcək "Hilton Baku Hotel"i və digər onlarla şirkət daxildir. Şirkətlər qrupu hazırda 1000-dən artıq insana iş imkanı yaradib.

Xəbər lenti

Xəbər lenti