Azərbaycan, Bakı, 14 yanvar /Trend, müxbir N.İsmayılova/
Azərbaycanın Qiymətli Kağızlar üzrə Dövlət Komitəsi (QKDK) "AzMeCo" QSC-nin sadə, adlı, sənədsiz səhmlərinin 2000 manat məbləğindəki ilkin emissiya prospektini qeydiyyata alıb. Bu barədə komitənin cümə günü yaydığı məlumatda deyilir.
Emissiya çərçivəsində hər birinin nominal dəyəri iki manat olan 1000 səhm buraxılıb. Emissiya qapalı yerləşdirmə yolu ilə realizə olunacaq.
Azərbaycanın "AzMeCo" şirkəti 2007-ci ildə yaradılıb və metanol istehsalı ilə məşğul olur. Şirkətin fəaliyyətinin birinci mərhələsi çərçivəsində gücü ildə 720 min ton metanol olan zavodun tikinitisi nəzərdə tutulur. İkinci mərhələ ildə 400 min tona yaxın azot gübrələri istehsal edəcək müəssisənin yaradılmasını nəzərdə tutur.
Yanvarın 14-nə rəsmi məzənnə 0,7974 AZN/USD təşkil edir.