Azərbaycan, Bakı, 4 fevral/Trend, müxbir İ.Xəlilova, E.İsmayılov/
Asiya İnkişaf Bankı (AİB) Masallı-Astara avtomobil yolu layihəsinin bahalaşması ilə əlaqədar əlavə maliyyələşdirməni ayırmağa hazırdır. Bu barədə cümə günü bankın Bakı nümayəndəliyindən bildiriblər.
"Maliyyələşdirmə 2007-ci ilin avqustunda 500 milyon dollar məbləğində təsdiq edilən Azərbaycanda yol layihələri üçün multitranş paketin (Multitranche Financing Facility - MFF) üçüncü tranşından həyata keçirilə bilər", - nümayəndəlikdən deyiblər.
Bundan əvvəl MFF-in üçüncü kreditə Gəncə-Qazax avtomobil yolunun şərq-qərb ərazisinin modernləşdirilməsi üçün baxılıb.
AİB-də hazırda avtomobil yolunun ikinci və üçüncü əraziləri üzrə podratçının müəyyənləşdirilməsi üçün aparılan tenderin yekunlarına dair müəyyənləşdiriləcək əlavə maliyyələşdirmənin həcmini dəqiqləşdirməyiblər.
Birinci ərazinin tikintisinin podratçısı "Azərinşaatservis" seçilib, digər iki ərazi üçün tender proseduru apreldə başa çatacaq. Layihənin bahalaşması ilə əlaqədar (ötən müddət ərzində tikinti materiallları və s. bahalaşıb) konsultant 2008-ci ildə hazırlanan xərclər smetasına lazımi dəyişiklikləri daxil etməlidir.
Trend-ə cümə günü Nəqliyyat Nazirliyi yanında "Azəryolservis" ASC-dən bildirdiklərinə görə, ilikn məlumatlara əsasən, layihənin ümumi dəyəri 400 milyon dolları ötür. Masallı-Astara yolunun yenidən qurulmasına bank 200 milyon dollar ayırıb, Azərbaycan hökumətinin iştirak payı isə 49 milyon dollar təşkil edir.
"Hazırda hesablamalar 400 milyon dolları ötür, lakin istisna edilmir ki, o daha çox olsun. Bu, tenderin yekunlarına əsasən müəyyənləşdiriləcək", - "Azəryolservis"dəki mənbə deyib.
Multitranş pektdən AİB artıq 255,4 milyon dollar ayırıb. 200 milyon dollar məbləğində ilk tranş Masallı-Astara avtomobil yolunun tikintisinə, ikincisi (55,4 milyon dollar) Gəncənin dairəvi yolunun yenidən qurulmasına ayrılıb.
MFF-in bütün paketindən istifadə 2014-cü ilədək nəzərdə tutulub.
