Gürcüstan, Tbilisi, 15 fevral /Trend, müxbir N.Kirsxaliya/
Fevralın 16-da Marneuli rayonunun azərbaycanlıların məskunlaşdıqları Kuşçi kəndində (Şərqi Gürcüstan, Kvemi Kartli regionu) fermer kooperativinin yaxşılaşdırılması layihəsinin açılış mərasimi keçiriləcək.
Yaponiyanın Gürcüstandakı səfirliyindən Trend-ə verilən məlumata görə, bu layihə Yaponiya hökumətinin ayırdığı "Ot kökləri və insan təhlükəsizliyi qrantı" layihəsi çərçivəsində maliyyələşdirilir.
Açılış mərasimindəYaponiyanın Gürcüstandakı səfiri Masaeşi Kamohara, eləcə də yerli hakimiyyət və tərəfdaş qurumların nümayəndələri iştirak edəcəklər.
