Azərbaycan, Bakı, 22 fevral /Trend, müxbir Ü.İsmayılova/
Yanvarda Bakıda tikinti materialları 2010-cu ilin dekabr ayı ilə müqayisədə 7,68 faiz artıb. Bu barədə "Əmlak Bazarı İştirakçıları" İB-dən deyiblər.
"Bazarda orta qiymətlər əgər ilin I yarısında 14,4 faizə qədər artmışdırsa, bu göstərici ilin II yarısında 22,2 faiz səviyyəsinə qalxıb", - təşkilatdan bildiriblər.
Qiymətlər əvvəlki rüblə müqayisədə 8 faiz, ötən ilin analoji dövrünə nisbətən 32 faiz artıb.
Məlumatda deyilir ki, yanvarda ümumi dəyər portfelində yerli tikinti materiallarının bazardakı payı idxal olunan malların payını 3,72 dəfə üztələyib.
İB-nin monitorinq qrupu 38 adda 88 növdə materialın qiyməti üzrə araşdırma aparıb.
Aparılan araşdırmalara görə, dünya iqtisadiyyatında baş verən proseslər (neft birjalarında qiymətlərin artması və digər amillər) Azərbaycanın tikinti materialları bazarına da təsir edib. Monitorinqin nəticələrinə görə, 2010-cu ilin noyabrında metal bazarında nisbi fəallıq dəmir materiallarının qiymətlərində kəskin artıma səbəb olub. Bazar iştirakçıları dəmir materiallarının qiymətlərindəki bahalaşmanı əsasən Rusiya və Ukrayna bazarlarındakı proseslərlə (enerjidaşıyıcıların qiymətlərində artım) əlaqələndirirlər.
Daxili istehsal hesabına qiymət artımı əsasən dəmir materialları bazarında əsas paya malik olan armaturun qiymətlərinin bahalaşması sayəsində baş verib. Tikinti materiallarının təkcə bu növü üzrə yanvarda 17,5 faiz artım baş verib. "Baku Steel Company" şirkətindən (Azərbaycanda ən iri polad istehsalçısı) verilən məlumata görə, armaturun qiymətində artım əsas etibarilə Rusiyadan idxal olunan kimyəvi tərkiblərin (elektrodlar, manqan məhlulu, əhəng və digərlərinin) bahalaşması ilə əlaqədardır.
Yanvarda ağacın bir kubmetrinin 10 faiz - 225 dollaradək ucuzlaşması da baş verib.
Ümumi cədvəldə ucuzlaşan inşaat materialları göstərilib (faizlə):
|
İnşaat qumu |
-5,13 |
Bitum |
-15,56 |
|
Ağac |
-10,0 |
Yapışqan (PVA) |
-33,33 |
|
Penoplast |
-13,33 |
Şüşə-pambıq |
-5,56 |
Ümumi cədvəldə bahalaşan inşaat materialları göstərilib (faizlə):
|
Armatur |
+17,65 |
Dəmir təbəqə |
+2,29 |
|
şveller |
+12,28 |
Sink təbəqə |
+6,67 |
|
borular |
+12,30 |
Şifer |
+4,35 |
|
mismar |
+2,56 |
Digər tikinti materiallarının qiymətləri sabit qalıb.
